Хабарингиз бор, олий лига тўртинчи тур доирасида “Қизилқум” футболчилари Тошкентда дебютант — “Обод” жамоаси меҳмони бўлади.

Мавсумни юқори кайфиятда бошлаган навоийликлар дастлабки уч учрашувнинг барчасида муваффақиятли тўп суриб, ўз мухлисларини хурсанд қилишди. Шу боис, навоийлик кўпсонли ишқибозлар ўз суюклиларидан навбатдаги турда ҳам фақат ғалаба кутишмоқда.

9 апрель куни Навоийдан юз нафардан зиёд мухлис “Обод” — “Қизилқум” учрашувини томоша қилиш ва ўз севимли жамоаларини қўллаб-қувватлаш учун пойтахтимиздаги “Жар” стадионига ташриф буюради. Навоийлик мухлислар учун стадионнинг 7 ва 8-секторлари ажратилиши мўлжалланган.

“Қизилқум” ПФК Мухлислар клуби етакчиси Шаҳриддин Ишназаровнинг билдиришича, айни пайтда Тошкентда таҳсил олаётган ҳамда ишлаётган навоийлик ишқибозлар ҳам улар сафига қўшилишади.

Мурожаат учун телефон: (+99891) 3333773 — Шаҳриддин Ишназаров.

Эслатиб ўтамиз, ёшлар лигаси 4-туридан жой олган “Обод” — “Қизилқум” учрашуви 8 апрель куни соат 16.00 да пойтахтимиздаги “Обод” сунъий қопламали майдонида бошланади. Асосий таркиблар баҳси эса 9 апрель куни бўлиб ўтади. Бу ўйин “Жар” стадионида соат 16.00 да бошланиши бегиланган.

“Қизилқум” жамоаси мухлисларини “Жар” стадионида кутамиз!