Хабарингиз бор, бу мавсум якунлангач Зинедин Зиданнинг ўрнига Жозе Моуриньо олиб келиниши борасида бир неча бор хабарлар тарқалганди.

Энди “Реал” ЕЧЛда қийин аҳволга тушиб қолгани учун бу масала яна кўтарилди. Агар “қироллик клуби” кейинги босқичга ўта олмаса, у ҳолда аниқ Жозе билан музокаралар бошланиши тўғрисида маълум қилинмоқда. Бу ҳақда Mirror хабар тарқатган.

Манбада ёзилишича, мадридликлар ЕЧЛ чорак финалида “Вольфсбург”дан ўта олишмаса, Жозе Моуриньо вариантига яна қайтилади. Қолаверса, португалиялик мутахасис билаг музокаралар бошланиши кутилмоқда.

Эслатиб ўтамиз, Жозе “Реал”нинг олдинроқ билдирган таклифига рад жавобини берганди. Чунки у янги мавсумдан “Манчестер Юнайтед”да иш бошлаши кутилмоқда. Эслатиб ўтамиз, ЕЧЛ чорак финалидан ўрин олган “Вольфсбург” – “Реал” учрашуви 2:0 ҳисобида якун топган эди.