Лондоннинг “Челси” клуби бўлажак бош мураббийи Антонио Конте бразилиялик ярим ҳимоячи – Оскарни “Челси”нинг асосий таркибида майдонга тушишга кафолат бермаяпти ва клуб бразилиялик футболчини сотишга тайёр. Бу ҳақда Tuttosport хабар тарқатди.
Манбанинг хабар беришича, клуб раҳбарияти Оскарга янги жамоа излаши мумкинлиги ҳақида айтган. Бразилиялик ярим ҳимоячини қўлга киритиш учун Туриннинг “Ювентус” клуби асосий даъвогар бўлиб турибди. Туринликлар футболчи учун 35 миллион евродан воз кечишмоқчи ва Оскар учун йилига 4 миллион евро тўлаб беришга тайёр.
Жорий мавсумда бразилиялик ярим ҳимоячи “Челси” таркибида 25 марта ўйинда майдонга тушиб, 3 маротаба рақиблар дарвозасини ишғол этган бўлса, уч марта голли пас узатишга муваффақ бўлган.