Европа Лигасининг чорак финали жавоб учрашувлари доирасида 14 апрель куни ўтказиладиган «Ливерпуль» – «Боруссия» Дортмунд баҳси (биринчи учрашув ҳисоби - 1:1) «Ҳиллсборо» фожиаси қурбонлари хотирасига 1 дақиқа сукут сақлаш билан бошланади.
УЕФА мерсисайдликларнинг ушбу фожиага 27 йил тўлиши муносабати билан шу ҳақда юборган сўровини тасдиқлаган.
Эслатиб ўтамиз, 1989 йилнинг 15 апрелида «Ҳиллсборо» стадионида «Ноттенҳем Форест» ва «Ливерпуль» клублари ўртасида бўлиб ўтган учрашув (Англия Кубоги ярим финали) вақтида полициячилар ва стадион ходимларининг ноаниқ ҳаракатлари натижасида юзага келган тиқилинчда мерсисайдликларнинг 96 мухлиси ҳалок бўлган, яна 766 нафар ишқибоз жароҳат олган эди.
