“Бунёдкор” – “Олмалиқ” учрашувидан кейин ташкил этилган матбуот анжуманининг иккини қисмида “қалдирғочлар” устози иштирок этди.
- Умуман олганда, яхши ўйин бўлди. Аввалдан ўйлаб қўйган режаларимизни амалга ошира олдик. Имкониятлардан фойдаландик. Вазиятларни голга айлантириш борасидаги кўрсаткичларимиз яхши томонга ўзгараётганидан хурсандман. Легионер футболчиларимизнинг ўйини яхши томонга ўзгариб кетади, деган фикрдаман. Тўғри, бунгача гол ўтказмаётгандик. Бугун эса икки бор ўз дарвозамиздан тўп олиб чиқдик. Бироқ энг асосийси ғалаба, деб ўйлайман. Биз ҳар сафар қандай ўйин ўтказмайлик, уни жиддий таҳлил қиламиз. Олдимизда Чемпионлар лигасининг муҳим учрашуви бор. Ўйлайманки, клуб шифокорлари навбатдаги баҳсга йигитларни жисмоний томондан яхши тайёрлай олади, - дейди Сергей Иванович.