Филиппин пойтахти Манила шаҳрида Таэквондонинг WTF йўналиши бўйича Осиё чемпионати бошланди.
Қитъанинг етакчи таэквондо усталари иштирокида ўтаётган мазкур нуфузли мусобақада ҳамюртларимиз орасида биринчи бўлиб баҳсларга амалдаги жаҳон чемпиони Дмитрий Шокин ва жаҳон чемпионати совриндори Жасур Бойқўзиев тушдилар.
Энг оғир вазн тоифасида баҳс юритган Дмитрий Шокин ўз вазнида дунёнинг тенгсиз спортчиси эканлигини амалда яна бир бора исботлади ва Осиё чемпионатининг олтин медалига сазовор бўлди.
Терма жамоамиз етакчиларидан яна бири Жасур Бойқўзиев эса қитъа чемпионатининг бронза медали совриндори бўлди.
Осиё чемпионати давом этмоқда.
Шавкат Жалилов
