Айни вақтда Саудия Арабистонининг Ал-Хорба шаҳрида йиғин ўтказаётган Жасур Абдураимов бошчилигидаги Ўзбекистон ёшлар терма жамоаси Саудия Арабистони U19 жамоаси билан дастлабки ўртоқлик учрашувини ўтказди.
28 апрель куни бўлиб ўтган учрашувда Саудия Арабистони ёшлар терма жамоаси 3:2 ҳисобида ғалаба қозонди.
Ўйиннинг тўртинчи дақиқасидаёқ 11 метрлик жарима тўпини амалга ошириш имнкониятига эга бўлган саудияликлар ҳисобни очди. Орадан 20 дақиқа ўтиб, ҳисобдаги фарқ иккитага етди.
Ўзекистон ёшлар терма жамоаси ҳисобни иккинчи бўлимнинг 59-дақиқасида Шароф Муҳитдинов киритган гол эвазига қисқартиришга эришди.
Учрашувнинг 72-дақиқасида Саудия Арабистони ёшлари яна бир пор пенальти тепиш имконига эга бўлди ва уни аниқ амалга оширди.
Бобир Абдухолиқов эса 79-дақиқада учрашувдаги сўнгги голни киритди – 3:2.
Жамоалар ўртасидаги иккинчи ўртоқлик ўйини 30 апрель куни бўлиб ўтади.
Ўртоқлик учрашуви
28.04.2016, Ал-Хорба
Саудия Арабистони U19 – Ўзбекистон U19
Ўзбекистон голлари: Шароф Муҳитддинов (59), Бобир Абдухолиқов (79)
Ўзбекистон U-19: Умирд Ҳамроев, Ҳусниддин Ғофуров, Ислом Қобилов, Хожиакбар Алижонов, Азиз Ғаниев, Илҳом Алижонов, Нурилло Тўхтасинов, Шароф Муҳитдинов, Сухроб Нуриллаев, Санжар Қодирқулов, Бобир Абдухоливоқ
Захира: Умид Эргашев, Жасур Яхшибоев, Беҳзод Ғанижонов, Ислом Кенжабоев, Абдуқодир Ортиқов, Турсун Раҳимбердиев, Билол Тошмирзаев, Миржаҳон Мирҳамдамов, Ойбек Рустамов, Усмнали Усмоналиев.
