“Навбаҳор” ва “Обод” жамоалари ўртасидаги учрашув якунига етгач, ҳар икки жамоа мураббийлари ўртасида матбуот анжумани бўлиб ўтди. Дастлаб журналистларнинг саволларига Бобур Зуҳриддинов жавоб қайтарди:

- Авваламбор Наманган аҳли ва “Навбаҳор” жамоаси аъзоларини табриклайман. Кейинги учрашувларда ҳам наманганликларга омад тилаб қоламан. Ўйин борасида гап кетганида, шиддатли, курашларга бой баҳс бўлди. Озгина омад етишмаганлиги сабабли мағлубиятга учрадик. Сариқ карточкаларининг кўплиги ўйинни шиддати билан боғлиқ бўлди деб ўйлайман. Ўйин темпи юқори бўлганлиги сабабли футболчилар айрим вазиятларда тўпга ета олмай қоидани бузишди. Жамоамиз аъзоларига огоҳлантиришлар бўйича танбеҳларни бермоқдамиз. Келгусида ҳам карточкаларни камроқ бўлиши борасида иш юритамиз. Вазиятлар пайтида тўғри қарор қабул қилиш борасида камчиликлар кузатилди. Бундан ташқари олис масофалардан зарба беришлар ҳам бугун кам бўлди. Балки мураббий сифатида тажриба етишмаётганлиги ҳам эҳтимолдан ҳоли эмас.