Португалия терма жамоасининг собиқ шифокори Нуно Кампос "Реал" ҳужумчиси Криштиану Роналдунинг жароҳати борасида фикр билдирди.

"Агар ташхис аниқ бўлса, унинг тикланиши учун 18-20 кун керак бўлади. Бу 12-14 кун жароҳатни даволаш учун ва яна 5-7 кун мушаклар фаоллиги учун. Агар унда фақат мушаклар чўзилиши бўлган тақдирда бунга камроқ вақт кетади ва Криштиану "Манчестер Сити"га қарши ўйнаши мумкин.

Агар сон мушаги узилиши ташхиси тўғри бўлса, Роналду жароҳатини чуқурлаштириб юбориши ва Европа чемпионатини ўтказиб юбориши мумкин", - дейди шифокор.