Футбол юлдузларининг ота-оналари ким бўлган номли мақоланинг 3-қисмини ҳам сизга ҳавола қиламиз.

5 карра «Олтин тўп» соҳиби Лионель Мессининг отаси металлургия комбинатида ишлаган. Онаси – оқсоч бўлган. Унинг 2 та акаси – Родриго, Матиас ва бир синглиси Мария Сол бор. Отаси Хорхе «Грондалини» деган ҳаваскорлар жамоада мураббийлик қилиб қўшимча пул ишлаб, рўзғорини тебратган.

Украиналик ҳужумчи 2004 йилги «Олтин тўп» эгаси Андрей Шевченконинг отаси Николай Григоревич - нафақага чиққан прапоршик, онаси - Любов Николаевна болалар боғчасида ҳисобчи бўлиб ишлашган.

Ангия терма жамоаси ва «Манчестер» Юнайтед клуби форварди Уэйн Рунининг отаси профессионал боксчи, шу билан биргаликда футболнинг ашаддий ишқибози бўлиб, айнан у Уэйнга болалигида дастлабки футбол тўпини совға қилган. Онаси Жанет эса мактабда ошпаз бўлиб ишларди. Уни боксга қизиқиши ҳам беҳуда эмас албатта.

Россиялик ярим ҳимоячи Юрий Жирковнинг отаси заводда, онаси эса почтада ишларди. Уларнинг оиласи ўртаҳол эдилар.

Украиналик футболчи Анатлоий Тимошукнинг отаси Александр ҳаваскорлар даражасида футбол ўйнаган, онаси Надежда эса уй бекаси эди. Улар оилада 2 фарзанд, опаси Инна Анатолийнинг энг яқин дўстдир.

Андрей Аршавиннинг отаси Сергей ҳам футболчи бўлиб, «Динамо» жамоаси сафида тўп сурган.

Россиялик яна бир ҳужумчи Андрей Кержаковнинг отаси Анатолий Рафаилович ҳам собиқ футболчи бўлиб, «Химик» (Дзержинск) жамоаси шарафини ҳимоя қилган. Онаси - Татяна Вениаминовна. Ҳа иккита Сашага ҳам футболчилик оталаридан юққан бўлса неажаб.

Бразилиялик иқтидорли ҳужумчилардан бири Вагнер Лавнинг отаси Айван Рио-де-Жанейро кўчалари тозалигига маъсул «Комларб» компаниясида ишчи бўлиб ишларди, шунингдек бўш пайтларида рассомчилик орқали пул топарди. Онаси Жаира хоним эса «Салгадо Фило» касалхонасида деярли 20 йил давомида ҳамшира бўлиб ишлаган.

Сербиялик ҳимоячи Неманя Видичнинг отаси Драголюб мисни қайта ишловчи корхонада меҳнат қилар, онаси Зора банк хизматчиси эди.

Видичнинг ҳимоядаги собиқ шериги Рио Фердинанднинг отаси Жулиан Фердинанд эркаклар кийимини тикувчи уста, онаси эса энага эди ва улар 2 ўғил, 3 қиздан иборат катта оилани боқиш учун тинимсиз ишлашга мажбур эдилар.

Бразилиялк «сўйлоқ» Роналдонинг отаси маҳаллий телефон компаниясида ишлар эди, онаси эса фаррош бўлган. Роналдо оиласини қашшоқликдан қутқарганида атиги 17 ёшда эди.

2014 йилги жаҳон чемпиони Месут Ўзилнинг отаси Мустафо Ўзил аслида турк бўлиб корхонада ишлар эди. Онаси тунислик Гюлизар 4 фарзанд – Мутлу, Месут, Несе ва Дуйгуларни дунёга келтирган.

Италия термаси билан 2006 йилда мундиалда ғолиб чиққан Алберто Жилардинонинг падари Жанфранко «Жиллет» компаниясида фаолият юритар, онаси эса нотариал идорада меҳнат қиларди.

Француз ҳужумчиси Карим Бенземанинг 8 та ака-укаси бор. Буваси Лакехал Бензема 1950 йилларда Жазоирдан Францияга кўчиб келган. Карим ҳам болалигида бироз қийинчиликка учраган футболчилардан биридир.

Уч карра «Олтин тўп» эгаси бўлган Криштиану Роналдунинг онаси – Мариа Долорес дос сантос Авеиро, отаси – Хосе Динис Авеиро. Кришнинг падари 2005 йилнинг 7-сентабрида оламдан ўтган.

Фурқат Юсупов