Голландия чемпионатининг 34-турида "Аякс" аутсайдер (17-ўрин) "Де Графсхап" билан дуранг ўйнаб (1:1) чемпионлик имкониятини бой берди.
Охирги тур олдидан "Аякс" "ПСВ" билан бир хил очко тўплаган ди. Эйндховенликлар "Зволле"ни 3:1 ҳисобида мағлуб этиб, қаторасига иккинчи марта Голландия чемпионлигини қўлга киритдилар.
"Нонушта вақтида мен ўйинчиларга "ПСВ"нинг 2007 йилдаги чемпионлик фотосуратини кўрсатдим. Уларга ҳар доим ғалабага ишонишларини айтдим. Воқеаларнинг бундай тус олиши - ажойиб. Бундай вазиятда нима дейишим мумкин? Биз жуда ишончли ўйнадик. Жамоам билан фахрланаман", - дейди "ПСВ" бош мураббийи Филлип Коку.
