Бугундан бошлаб футбол оламида ўз ўрнига эга бўлган ҳимоячи ва ярим ҳимоячиларнинг фаолиятларига назар солиб, уларнинг ўйинлари ва голларига оид 10 тадан фактни эътиборингизга хавола этиб борамиз. Танишининг биринчи қаҳрамонимиз Бастиан Швайштайгер, Қуйида унинг футболчилик фаолиятида рақамлар билан боғлиқ 10 та факт!


1. Бастиан 2001-2005 йиллар давомида “Бавария  II” жамоасида 35 учрашувда 2 гол урган.


2. 2002 йилдан 2015 йилга қадар эса “Бавария”да роппа-роса 500 та учрашув ўтказиб, рақиблар посбонларини 68 марта ранжитишга муваффақ бўлган.


3. 2015 йилдан буён “Манчестер Юнайтед” либосида 31 ўйинда 1 гол киритди.

4. Швайштайгер 2000-2004 йиллар мобайнида Германиянинг турли хил ёшдаги термалари учун 26 учрашувда иштирок этиб, 6 бор ўз номини таблога ёздириб қўйган.


5. 114 учрашувда 23 гол. Бу Бастианнинг Германия миллий терма жамоасидаги статистикаси.


6. Швайни Бундеслигада 342 учрашувда иштирок этиб, 45 та гол урган.


7. 2008-09, 2012-13 йилги мавсумларда у 9 тадан гол урган. Бу ярим ҳимоячининг бир мавсумдаги энг кўп гол уриш борасидаги шахсий рекордидир.


8. Ушбу мавсумда у атиги 1 та гол уриб, шахсий антирекордини ўрнатиб турибди.


9. 2010 йилги жаҳон чемпионатида Швайштайгер 3 та голли узатма амалга оширган ҳолда Мюллер, Ўзил, Кака ва Куйт билан биргаликда энг яхши ассистент бўлди.


10. Швайштайгер фаолияти давомида жами 680 ўйинда майдонга тушган ва ўз ҳисобига 94 та гол ёздириб қўйган.

Фурқат Юсупов
Суареснинг ушбу мавсумдаги рекордлари
“Реал”нинг “5” рақам эгалари. Зидандан Коэнтраугача