Ўзбекистонлик футболчи Максим Шацких ўзининг собиқ клуби "Говерла" устидан Лозанна шаҳрида жойлашган спорт арбитраж судига ариза берди. Сабаб — маошлар бўйича қарздорлик.

"Ариза топширилди. Бу ҳақда клуб ҳам огоҳлантирилади. Энди бу клубга нисбатан жазо чораси кўрилади. Ҳеч бўлмаганда клуб вакилининг мен билан алоқага чиқишини кутяпман. Мен ҳам инсонман, барчасини тушунаман. Лекин биз ўтириб, музокара ўтказишимиз керак ҳамда мени ҳам, клубни ҳам қаноатлантирадиган қарорга келишимиз керак. Жамоа фаолият юритишига мен қарши эмасман. Бу ҳудудда клуб бўлиши керак. Аммо муаммони ҳал қилишимиз лозим. Барчасини ҳал қилсак, бу ҳақда биринчи навбатда сизларга хабар бераман", - дейди Шацких "Футбол 2" телеканали эфири пайтида.