"Сепоҳон" клуби бош мураббийи Игор Штимац Эрон терма жамоасининг ЖЧ-2018 саралаш босқичидаги имкониятлари ҳақида ўз фикрлари билан ўртоқлашди.

Эслатиб ўтамиз, Эрон терма жамоаси саралашнинг "А" гуруҳида Жанубий Корея, Ўзбекистон, Қатар, Хитой ва Сурия термаларига қарши баҳс олиб боради.

"Сўнгги пайтларда Хитой ва Қатар футболга кўп маблағ ажратишди. Улар Эронга жиддий қаршилик кўрсатишлари мумкин. "Мелли" уларни менсимаслиги керак эмас. Сурия Эрон учун жиддий рақиб эмас, аммо унга нисбатан паст назар билан қараш керак эмас.

Ўзбекистон ва Жанубий Корея хавфли рақиблар. Биз Ўзбекистоннинг "Локомотив" клуби билан Осиё чемпионлар лигасида бир гуруҳда баҳс олиб бордик. Уларнинг сафида икки нафар терма жамоа аъзоси бор. Улар жисмоний жиҳатдан кучли. Уларнинг ўйин услуби Россияникига ўхшаб кетади. Эрон терма жамоаси Ўзбекистонни жиддий қабул қилиши керак.

Хорватия терма жамоасида ишлаганимда икки марта Жанубий Кореяга қарши ўйин ўтказганмиз. Ҳар иккала ўйинда ғалаба қозонган бўлсак-да, Корея бизга босим ўтказган. Улар жуда ҳам тартибли ўйин кўрсатишади. Ўртоқлик ўйини бўладими ёки расмий ўйин, кореяликлар охирги сониягача курашдан тўхташмайди.

Эрон кетма-кет иккинчи марта Жаҳон чемпионатида иштирок этиши мумкин. Бунинг учун рақибларга нисбатан жиддий муносабатда бўлиш керак", — дейди Штимац.