Олий лига 9-туридан ўрин олган “Нефтчи” ҳамда “Обод” (1:0) ўртасидаги учрашувдан сўнг меҳмонлар бош мураббийси Бобур Зуҳриддинов ўз фиклари билан ўртоқлашди:
- Ўзларинг гувоҳ бўлдинглар, жудаям қизиқарли учрашув бўлиб ўтди. Бундай учрашувлар иккала жамоани ҳам олдинга қадам ташлашида жудаям катта туртки бўлади. “Нефтчи” жамоаси бугун кутганимизданда кучли ўйин намойиш қилди. Уларнинг аввалги икки учрашувларини кўргандим. Бугун улар бу ўйинларга нисбатан уч баравар кучли ўйин кўрсатишди. Фарғоналикларни ғалаба билан табриклайман.
- Вазиятлардан фойдалана олмаслик фақат бизда эмас, қолган жамоаларда хам бор. Лекин биз хозир имкониятлардан фойдаланиш борасида изчил иш олиб бораяпмиз. Ўйинчиларимиз ёш бўлганлигини ҳисобига кўп вазиятларда совуққонлик етишмади деб ўйлайман.
- Биз олдимизга қўйган асосий режани футболчилар 100 фоиз эмас, 95 фоизга бажаришди деб ўйлайман. Фақат баъзи бир ҳолатларда уларга бироз совуққонлик етишмади. Яна баъзи бир ҳолатларда “Нефтчи”нинг тезкор ўйинчиларига улгуролмаганлигимиз учун ҳам хато қилдик ва мағлубиятга учрадик. Тушкунликка тушиш йўқ, кейинги ўйинларга тайёргарлик олиб борамиз.
- Битта ўйинда учта пеналти дегани ўйин жудам шиддатли ўтганидан далолат беради. Бизни футболчиларда иштиёқ жудаям кучли, фақат бизга ғалаба етишмаяпти - деб фикрларини якунлади Зухриддинов.
