«Атлетико» раҳбарияти «Сан-Сиро» стадионининг кийиниш хонаси дизайнини ўзгартирмоқчи. Жамоа ЕЧЛ финали ўтадиган стадион кийиниш хонасини «Висенте Кальдерон» кийиниш хонасига ўхшатмоқчи. Бу ўзгариш футболчиларнинг кайфиятини кўтариб, ўйин олдидан қўшимча мотивация юзага келтиришига ишонмоқда "матрасчилар" раҳбарияти.

Кийиниш хонаси "Атлетико" клуби рангларига бўялади. Шунингдек, ҳар бир жойда футболчи учун ажратилган жойда унинг сурати акс эттирилади. Бундан ташқари, кийиниш хонаси деворларига футболчиларнинг ҳаётидаги муҳим воқеалар фотосуратлари ёпиштирилади. "Ҳеч қачон ишонишдан тўхтаб қолмаймиз", "Ўйиндан ўйингача" каби клуб шиорлари деворларга ёзилади. Буларнинг барчаси футболчиларга уй стадиони ҳиссиётини беради.

«Атлетико» финал баҳсидан икки кун аввал Миланга йўл олади. «Реал» ва «Атлетико» ўртасидаги ЕЧЛ финали 28 май куни бўлиб ўтади.