Ҳамюртимиз Воҳид Шодиев фаолиятини Малайзия Суперлигасида давом эттираётганидан хабардорсиз.
Бугун Малай ўлкасида Суперлиганинг 11-тур учрашувлари ўтказилди. Бир неча дақиқа олдин тур доирасидан ўрин олган матчлардан бири якунланди. Унда Воҳид Шодиев ўйнаётган “Перак” “Саравак” клуби меҳмони бўлди ва 3:2 ҳисобида мағлуб бўлди.
Таъкидлаш жоиз, 29 ёшли маҳоратли футболчи ўйинга захирадан қўшилди. 84-дақиқада майдонга туширилган Шодиев жамоасига мағлубиятдан қутулиб қолишда наф келтира олмади.
“Перак” 11-турдан сўнг мусобақа жадвалида 11 очко тўплаганча 9-ўринни банд этиб турибди.
