"Насаф" ва "Нефтчи" жамоалари ўртасидаги Ўзбекистон кубоги нимчорак финал жавоб ўйинидан кейин "Насаф" устози Рўзиқул Бердиев ўз фикрлари билан ўртоқлашди.
-Мухлисларни ҳам бугунги ғалаба билан табриклайман. Биз ҳақли равишда кейинги босқичга чиқдик. Бугунги ўйинда тўлиқ таркиб билан қатнашмасакда, ғалабага эриша олдик. Биринчи бўлимда бироз омад етишмади. Иккинчи бўлимда баъзи ўзгаришлар ўйинни кучайтирди ва ғалаба тўпини киритишга муваффақ бўлдик. Бугун Мақсуд Каримов, Азамат Алланиязов, Сайдулла Раҳматовга дам беришга қарор қилдик. Давралар оралиғида таркибда жиддий ўзгаришлар бўладими? Ҳа бу борада раҳбарият яхши футболчи топишимиз лозимлиги ҳақида айтишди, яъни раҳбариятимиз бунга рухсат беришди. Бу борада ишлар олиб борилмоқда. Бугундан бошлаб кейинги муҳим учрашувга тайёргарлик кўришни бошлаймиз. Баҳром Абдураҳимовнинг жароҳати? Йўқ, унинг жароҳати жиддий эмас, кейинги ўйинда майдонга туширамиз.
