Кеча “Қўқон-1912” жамоаси Ўзбекистон Кубоги 1/8 финал жавоб учрашувида Наманганнинг “Навбаҳор” клубига қарши майдонга тушди. Қўқондаги “Марказий” ўйингоҳда бўлиб ўтган баҳсда дуранг натижа қайд этилди. Меҳмондаги ғалаба эвазига вакилларимиз чорак финалга йўлланма олишди.
Қуйида ушбу баҳсга доир фотомақола билан танишинг:
Учрашув бошланиши олдидан ҳакамлар бригадаси ва икки жамоа сардорлари ўйинни ким бошлаб бериши борасида ойдинлик киритишмоқда.
Асосий таркибда майдонга тушган Жалил Кимсанов энг фаол ўйинчилардан бўлди. Унинг ишончли ўйини кейинги босқичга чиқшимизга замин яратди.
Жамоамиз сардори Азиз Тўхтабоевнинг хатти-ҳаракатлари ҳам мухлисларга манзур бўлди.
Тажрибали Носир Отақўзиев навбатдаги водий дербисида ҳам рақиб дарвозасини ишғол этди.
Ўтган йилги тўпураримизни бутун ўйин давомида шундай кутиб олишди.
Захирадан майдонга тушган Фурқат Ҳасанбоев рақибларни шошириб қўймоқда.
Пишур ва Кимсанов огоҳлантирилди. Жалил нима учун унга сариқ карточка кўрсатилганидан ҳайрон.
Голни инобатга олмаганда Илья Ильин бошчилигидаги ҳимоячиларимиз Александр Пишурни яхши “қўриқлашди”.
Ориф Мамажонов рақиблардан қочиб кетишга ҳаракат қилмоқда. У ҳам кеча ўзининг фаоллиги билан ажралиб турди.
Отабек Зокиров эса ўз рейди билан ёдда қолди.
Ўтган ҳафта Наманганда гол урган Миржалол Қурбоновни меҳмонлар жиддий тарзда “қўриқлашди”.
Жарима тўпини ким тепади…
Ҳисоб очилган вазиятда ҳужумни Алибобо Раҳматуллаев бошлаб берганди.
Бутун ўйин давомида ҳар икки жамоа вакиллари ҳар бир қарич ер учун кураш олиб боришди.
Меҳмонлар ўйинчиси Сардор Азимов кутилмаган ўзини ноқулай ҳис этди ва стадионни тез тиббий ёрдам машинасида тарк этди.
