Кеча "Бунёдкор" стадионида кечган баҳсда "Локомотив" Саудия Арабистонининг "Ал Ҳилол" клубини 2:1 ҳисобида мағлуб этиб, ўз тарихида биринчи марта Осиё чемпионлар лигасининг чорак финалига йўл олди. Бу натижа орқали "темирйўлчилар"нинг мағлубиятсиз ўйинлар серияси давом этди.

"Локомотив" ўтган мавсум "Пахтакор"га ютқазганидан бери кечаги ўйинни ҳам қўшиб ҳисоблаганда жами 28та учрашув ўтказди ва шулардан ҳеч бирида мағлуб бўлмади.

Ўтган йил Олий лиганинг охирги 9та ўйинида, Ўзбекистон кубоги ярим финали жавоб баҳсида "Насаф" билан учрашувда, бу йил олий лиганинг дастлабки 9та турида, ОЧЛ доирасидаги 8та ўйинда ва Ўзбекистон кубоги 1/8 финалидан ўрин олган "Уз-Донг-Жу" билан кечган учрашувларда "темирйўлчилар" жами 21та ғалаба ва 7та дуранг қайд этишди.

"Локомотив"нинг мақсади мағлубиятсиз серияни давом эттирган ҳолда ўз мухлисларини хурсанд этишдир.