Кеча “Локомотив” футбол клуби ўз тарихида янги саҳифа очди. “Темирйўлчилар” Осиё чемпионлар лигасининг 1/8 финал жавоб баҳсида “Ал Ҳилол”ни 2:1 ҳисобида енгиб, чорак финалга йўл олишди.

“Бунёдкор” стадионида бўлиб ўтган учрашув мухлисларга хуш ёқди. Улар “Локомотив”дан ғалаба кутишганди, жамоамизнинг ғалабасига ишонишганди. Зеро, буни йигитларимиз қойиллатиб уддалашди. Чемпионлар лигаси Осиё клублари ўртасидаги энг нуфузли турнир ҳисобланади. Бунда ҳар бир ўйиндаги ғалаба футболчиларни икки ҳисса руҳлантиради.

Ҳозир “Локомотив” футболчилари-ю, мураббийларини ҳар қанча мақтасак арзийди. Жамоа Ўзбекистондан ягона вакил сифатида Кубок сари ўз юришини давом эттирмоқда. Насиб қилса, шу йилнинг ўзидаёқ бош соврин албатта Тошкентга келади. Келинг, шу ўринда фотосуратлар орқали кечаги ғалаба қувончларини яна бир карра ёдга олсак.