Аввал хабар бериб ўтганимиздек, 30 май куни Олий лига 10-турида Тошкентнинг “Локомотив” клуби Қўқонда “Қўқон-1912” меҳмони бўлади. Ушбу жамоаларнинг ўзаро ўйинлари ҳақида маълумот бериб ўтамиз.
Ўзаро ўйинлар
“Локомотив” ва “Қўқон-1912” клублари бундан олдин олий лигада фақат икки марта тўқнаш келишган. Ушбу ўйин 2015 йилда бўлиб ўтган. Тошкентдаги “Локомотив” стадионида бўлиб ўтган учрашувда Темурхўжа Абдухолиқовнинг урган ягона голи ўйин тақдирини ҳал қилганди – 1:0.
Қўқонда ўтказилган баҳсда эса 2:2 ҳисоб қайд этилган. Ўша ўйинда Отабек Ҳайдаров дублга эришган. Ҳозиргача ўтказилган ўйинларда “Локо” тўрт очкони қўлга киритган бўлса, жамоамиз ҳисобида битта очко мавжуд. Тўплар нисбати – 3:2 “Локо” фойдасига.
Ҳакамлар
Олий лига 10-тур учрашувларини бошқариб борадиган ҳакамлар маълум бўлди. Унга кўра, 30 май куни Қўқондаги “Марказий” ўйингоҳда бўлиб ўтадиган “Қўқон-1912” – “Локомотив” учрашуви Шерзод Қосимов бошчилигидаги ҳакамларга топширилди.
Шерзод Қосимов ўтган мавсумда жамоамиз иштирокидаги иккита учрашувни бошқарган.
Олий лига
10-тур
«Қўқон-1912» (Қўқон) – «Локомотив» (Тошкент)
Ҳакамлар: Ш. Қосимов (Тошкент), Н. Рўзимов (Тошкент), О. Жумаев (Навоий), Д. Акмалов (Тошкент)
Назоратчи: О. Дачев (Тошкент).
ЎзПФЛ вакили: Н. Лутфуллин.
Бошланиш вақтлари
Мазкур учрашув 30 май куни соат 17:30да бошланиш режалаштирилган. Ўринбосарлар баҳси эса 29 май куни соат 17:00да бошланади. Барча футбол мухлисларни стадионга чорлаб қоламиз.
