Италия терма жамоасининг собиқ дарвозабони Франческо Тольдо Евро-2016 арафасидаги фикрлари билан ўртоқлашди.
«Италия термасига қийин бўлади. Нафақат спорт жиҳатидан, балки умумий вазиятдан келиб чиқадиган бўлсак ҳам, биз бошқа жамоалардан ортдамиз.
«Очиғини айтсам, мен таркибда яққол ажралиб турадиган футболчини кўрмаяпман. Ҳозирда жамоамизда етакчи йўқ.
«Нима бўлганда ҳам, Италия катта имкониятларга эга мамлакат. Конте аъло даражада иш олиб борди. Ёш, истиқболли ўйинчилар бор. Улар бизнинг умидимиз.
«Ёшлар мураббийга қулоқ тутиши керак. Уларнинг иқтидори, кучли томонлари бор. Шунингдек, ўз кучига бўлган ишонч ҳам зарур, айнан шу ҳал қилувчи жиҳатга айланади.
«Муҳими — жамоа. Ҳозирда бир футболчининг ўзи ўйин тақдирини ҳал қилиб қўя олмайди. Замонавий футболда 90 дақиқа давомида жамоа бўлиб ўйнаш керак, акс ҳолда, имконият бўлмайди», — деди Франческо Тольдо.
