Германия терма жамоаси Евро-2016 олдидан сўнгги ўртоқлик учрашувини ўтказди. Венгрияга қарши баҳс олиб борган Йоахим Лёв шогирдлари 2:0 ҳисобида ғалаба қозонишди.

Учрашувнинг 39-дақиқасида венгрияликлар ҳимоячиси Ланг тўпни ўз дарвозасига йўллаб қўйган бўлса, иккинчи бўлимда Томас Мюллер ҳисобни мустаҳкамлади.

Германия терма жамоаси сардори Бастиан Швайнштайгер узоқ вақт давом этган танаффусдан майдонга қайтди. У иккинчи бўлимда захирадан туширилди.

Ўртоқлик ўйини
Германия – Венгрия 2:0 (1:0, 1:0)
Голлар: 1:0 – 39, автогол Ланг, 2:0 – 63 Мюллер.
Германия – Нойер, Рюдигер, Хектор (Жан, 46), Хеведес, Боатенг, Ўзил, Хедира (Гомес, 46), Гетце (Подольски, 79), Кроос (Швайнштайгер, 68), Дракслер (Шюррле, 60), Мюллер (Сане, 69).
Венгрия – Кирай, Ланг, Кадар, Фиола (Беше, 82), Гузмич, Кляйнхайслер (Штьебер, 82), Пинтер (Гера, 59), Жужак, Надь, Ловренчич, Салаи (Пришкин, 64).
Огоҳлантиришлар: Кроос (36), Кляйнхайслер (42), Гера (90).