«Реал» ва Уэльс терма жамоаси ярим ҳимоячиси Гарет Бэйл бугун бўлиб ўтадиган Швецияга қарши ўртоқлик ўйинида майдонга тушади. Бу ҳақда уэльсликлар бош мураббийи Крис Коулман маълумот берди.

«Бэйл ўйинда тўлиқ ҳаракат қила олмайди, лекин ярим соат, балки бир бўлим давомида ўйнаш учун майдонга тушади. Бундай нарсаларга жиддий аҳамият қаратилмаса, футболчи жароҳат олиши мумкин. Бэйл ўйинда иштирок этади. У ё захирадан туширилади, ёки бошланғич таркибда майдонга тушиб, эртароқ захирага олинади. Гаррет менга босим ўтказмайди, доимий равишда ўйнаш борасида талаб қўймайди. У оғир мавсумни ўтказди. Ўртоқлик ўйинида унинг тўлиқ ўйнамаслиги ҳеч нарсани англатмайди», — дейди Коулман.