Аргентина терма жамоаси бош мураббийи Херардо Мартино Америка кубогининг биринчи тури доирасида Чилига қарши ўйинда Мессининг майдонга тушиш имкониятлари борасида ўз фикрларини билдириб ўтди.

«Месси борасида қарорни машғулотдан кейин чиқарамиз. Вазиятга қараймиз. Биринчи навбатда шифокорларнинг фикрига, сўнгра Леонинг ўзига қулоқ қоламиз. Боиси, унинг ўзи ҳолатини яхши билади. Шундан сўнг ўз қароримни эълон қиламан.

Агар ўйинчи ўзини яхши ҳис қилаётганини айтса, у албатта ўйнайди. Табиийки, акси бўлса, ўйнамайди. Агар Месси ўйнай олмаса, унинг ўрнида Гайтан ҳаракат қилади. Лекин мен ундан Мессидан кутганимдек хатти-ҳаракатларни кутмайман. У ўз ўйинини намойиш қилишини истайман, у ҳозир ажойиб формада», — дейди Мартино.