Перу футбол федерацияси мамлакатда чоп этиладиган Todo Sport газетасининг ишини қоралаб чиқди.
Гап шундаки, Америка кубоги-2016 доирасидаги Перу – Эквадор ўйинидан олдин, газета эквадорлик футболчиларни ҳақоратлаб, “Келинг маймунларни қовурайлик” - деган сарлавҳа билан чиққан. Мақолада эквадорлик футболчилардан Пауло Геррера ва Кристиан Куэваснинг фотосуратлари бўлган.
«Бугун биз спортда рақибмиз, лекин душман эмасмиз. ПФФ ҳар қандай ирқий камситишга бўлган чақириқларни рад қилади” - дейилади бу ҳақда федерациянинг «Фейсбук» ва «Твиттер»даги саҳифаларида.
“Маймун” - перуликлар томонидан эквадорликларга нисбатан ишлатиладиган ҳақорат сўз бўлиб, 1941 йилда, ҳар иккала мамлакат ўртасидаги нотинч вазиятда қўлланган.
Перу – Эквадор ўйини 2:2 ҳисобида якунланган.
