«Манчестер Юнайтед» ярим ҳимоячи Поль Погбани «Ювентус»дан қайтариб олмоқчи.

Манчестер клуби вакиллари «Юве» ва футболчининг агенти Мино Райола билан алоқага чиққан. Айни вақтда, футболчининг ўзи «Реал Мадрид» томонидан бўлаётган қизиқиш билан боғлиқ вазият ривожини кутмоқчи.

Трансфер суммаси 65 миллион фунтдан кўпроқ бўлиши кутилмоқда. Погбани сотиб олиш истаги «МЮ»нинг янги бош мураббийи Моуринью томонидан билдирилган — у жамоа ярим ҳимояси марказини кучайтирмоқчи.

Португалиялик мураббий, Погбага муқобил сифатида, «Челси» ярим ҳимоячиси Неманья Матични ҳам кўз остига олиб қўйгани ҳақида аввалроқ хабар берилган эди.