Германия ҳаваскорлик лигасида иштирок этувчи Дуйсбургнинг «Туспо Хукинген» жамоаси таркибида тўп сурувчи футболчи ўйин вақтида олган жароҳатлари оқибати вафот этди.
Учрашув якшанба куни бўлиб ўтган. Fussball.de портали маълумотларига кўра, исми ошкор этилмаётган 25 ёшли футболчи тўп учун ҳаводаги курашдан сўнг ерга ноқулай йиқилиб, бошидан жароҳат олган.
Зудлик билан амалга оширилган жарроҳлик амалиётидан сўнг футболчи тўрт кун давомида кома ҳолатида ётган эди.
«Дўстимизни йўқотганимиздан барчамиз даҳшатга тушдик. Сен ҳамиша орамизда қоласан», — дейилади жамоанинг Facebook’даги саҳифасида қолдирилган хабарда.
