«Атлетико Мадрид» раҳбарияти «Интер» ҳужумчиси Мауро Икарди ва «Лестер» ярим ҳимоячиси Риёз Маҳрезни сотиб олиш бўйича иш бошлади.
Хабар беришларича, аргентиналик ҳужумчи ўз ватандошининг қўл остида тўп суриш имконияти пайдо бўлаётганидан хурсанд, Маҳрез ҳам «Лестер»ни тарк этишга тайёр.
Маълум бўлишича, «Атлетико» бош мураббийи Диего Симеоне кучли футболчилар сотиб олинсагина, клубдаги фаолиятини давом эттиришини маълум қилган.
Аввалроқ «Бенфика» ярим ҳимоячиси Николас Гайтан энди «Атлетико Мадрид» шарафини ҳимоя қилиши маълум бўлган эди.
