АҚШда давом этаётган Копа Америкада "С" гуруҳи вакиллари 2-турни якунлаб беришди.

Мусобақада ғолибликка асосий даъвогар бўлган Мексика терма жамоаси иккинчи ғалабани қўлга киритиб, чорак финал йўлланмасини қўлга киритди. Хавьер Эрнандес ва Перальта томонидан урилган голларга Ямайка жавоб қайтара олмади.

Натижада ушбу гуруҳдан Венесуэла ва Мексика терма жамоалари муддатидан аввал чорак финал йўлланмасига эга бўлишди. Уругвай ва Ямайка мусобақани гуруҳ босқичида якунлайдиган бўлишди.

Америка кубоги, "С" гуруҳи, 2-тур
Мексика – Ямайка 2:0 (1:0, 1:0)
Голлар: 1:0 – 18 Эрнандес, 2:0 – 81 Перальта.
Мексика – Очоа, Дуэньяс (Молина, 72), Араухо, Корона, Морено, Эррера, Маркес, Лайюн, Хименес, Эрнандес (Перальта, 78), Корона (Лосано, 63).
Ямайка – Блэйк, Мариаппа, Морган, Тэйлор, Уотсон, Макклири, Уильямсон (Оржилл, 77), Хектор, Макануфф (Биннс, 62), Барнс, Доналдсон.
Огоҳлантириш: Уотсон (27).