Гибралтар терма жамоаси ЖЧ-2018 саралаш мусобақасида Н гуруҳида Россия терма жамоаси ўрнини эгаллагач, бўлғуси чемпионат мезбонлари ўртоқлик ўйинларисиз қолиб кетиши ойдинлашди.
Гап шундаки, Россия ЖЧ-2018 мезбони сифатида саралаш ўйинларидан расман озод эди. Бироқ ўйин амалиётисиз қолиб кетмаслиги учун Н гуруҳига киритилиб, Бельгия, Босния ва Герцеговина, Греция, Эстония ва Кипр терма жамоалари билан ўртоқлик ўйинларини ўтказиши белгилаб қўйилганди.
Яқинда бўлиб ўтган ФИФА конгрессида Косово ва Гибралтар терма жамоалари ФИФА аъзолигига қабул қилингач, УЕФА уларни ЖЧ-2018 саралаш мусобақасига киритди. Ўз навбатида Россия терма жамоасини Н гуруҳидан чиқариб юборди.
Энди УЕФА Россия терма жамоасига ўртоқлик ўйинларини ташкил қилишда кўмак беради, деб хабар беради УЕФА матбуот хизмати.
