Бельгия терма жамоаси бош мураббийи Марк Вильмотс Евро-2016даги Италиядан қабул қилинган мағлубиятдан сўнг ўз шаънига билдирилган танқидларга жавоб берди.
«Матбуот тўрт йилдан бери мени мақтаб келарди, бироқ битта мағлубиятдан сўнг менга ташланди. Энди бирдан ёмон мураббий бўлиб қолдимми?
«Тактикамизнинг айрим танқидчилари устидан кулгим келади. Италия билан ўйинда биз камида дурангга лойиқ эдик. Бизда ҳисобни 1:1 қилиш учун бир неча ажойиб имконият бўлди.
«Биз кўп вазиятлар ярата олмаслигимизни билиб тургандик, бироқ биринчи голдан сўнг рақибимиз ўз майдонида ётиб олди ва бундай вазиятларда, ўзинг гол урмасанг, аҳвол оғирлашаверади.
«Куртуанинг сўзлари? У иккита гол ўтказиб юборганидан аччиқланган. Тибо унинг сўзлари менга қаратилмаганини айтиб ўтди», — деди Бельгия терма жамоаси бош мураббийи Марк Вильмотс.
