«Лестер» яримҳимоячи Маҳрезни ўз сафида сақлаб қолиш ниятида. У ўтган мавсумда жамоанинг асосий кучига айланиб, АПЛнинг энг яхши футболчиси бўлган эди.
The Telegraph хабарига кўра, Англия чемпиони 25 ёшли жазоирликнинг маошини 100 минг фунтга оширмоқчи ва бу ҳақда футболчини огоҳлантирган.
Агар Маҳрез барибир клубни тарк этишни истаса, “Лестер” 30 млн фунт ишлаб олмоқчи.
Эслатиб ўтамиз, Маҳрез 2014 йил январь ойида “Гавр” клубидан бор йўғи 400 минг фунтга харид қилинган эди. Маҳрезга «ПСЖ», «Арсенал», «Реал» ва «Барселона» қизиқиш билдирмоқда.