Испанияда «Атлетико» бош мураббийи Диего Симеоне ўз лавозимини тарк этмаслиги ҳақида хабарлар тарқалди.
Бунга сабаб қилиб, аргентиналик мутахассиснинг твиттер саҳифасида эълон қилинган фотосурат кўрсатилмоқда. Унда Симеоне клуб вакиллари билан стол атрофида ўтиргани тасвирланган. Улардан бири бош директор Хиль Мартин бўлиб, фотосурат остида “Буэнос-Айресда ишлаяпмиз” деб ёзилган.
Олдинроқ, испаниялик нашрлар Симеоне клуб раҳбариятидан 5 нафар юлдуз футболчини сотиб олишни талаб қилган, акс ҳолда клубни тарк этмоқчи эканини билдирган, деган хабарлар тарқалган эди.
