Россия терма жамоасининг ҳужумчиси Артём Дзюба Словакияга (1:2) қарши ўтказилган ўйиндан сўнг ўз фикрлари билан ўртоқлашди.

«Биринчи бўлим тенг курашлар остида кечди, балки биз кўпроқ хавфли вазият яратдик. Афсуски, кутилмаганда гол ўтказиб юбордик. Диққат эътиборни сусайтириб, зинҳор гол ўтказиб юбормаслик керак эди. Бу болаларча хато бўлди. Россия ҳар доимгидек ўйнади, яъни ташаббусни бериб қўйди.

Ҳамшик яхши футболчи, лекин унинг бир ўзи Россияни мағлуб этгани йўқ. Улар бир тану бир жон бўлиб ўйнашди, сўнгги дақиқаларда эса жарима майдонини тарк этишмади. Словакия яхши ва кучли жамоага эга.

Энди қандай қилиб бўлса ҳам Уэльсни мағлуб этишимиз шарт. Бундай вазиятга тушиб қолганимизга ўзимиз сабабчимиз», — деди Дзюба «Матч ТВ» эфирида.