Олий лига 12-тур доирасидаги “Бухоро” – “Нефтчи” баҳси аввалида фарғоналиклар ярим ҳимоячиси Аббосбек Махсталиев “Нефтчи” матбуот хизматига интервью бериб ўтди.

"Мухлисларни “Бухоро” ҳамда “Нефтчи” жамоалари ўртасидаги қизиқарли беллашув кутмоқда. Ўта шиддатли ўйин бўлишини тахмин қилиш мумкин. Бўлажак баҳс борасида гапирадиган бўлсам, Бухорода кучли рақибга қарши ўйнаймиз. Мезбон жамоа минглаб мухлислари кўз ўнгида ғалаба учун ҳаракат қилиши табиий. “Бухоро” таркибида бир қатор номдор ва тажрибали ўйинчилар ҳаракат қилади. Мисол тариқасида, Шавкат Саломов ҳамда Азиз Ибрагимовни келтириб ўтишим мумкин", — дея ўйин олди фикрлари билан ўртоқлашди футболчи.

"Бухоро" клуби каби бизга ҳам очко жуда зарур. Шу сабабли, майдонга фақат ғалабани кўзлаган ҳолда тушамиз. Ўйинга жиддий тайёрландик. Тўғри, мавсум старти бироз омадсиз бўлди. Бироқ секин-аста жамоамиз ўз ўйинини топмоқда.  Яхши биласиз, сўнгги 3 та ўйинда кетма-кет ғалаба қозондик. Бу муваффақиятлар шунчаки омад ёки тасодиф эмаслигини исботлаш учун ҳам навбатдаги турда зафар қучишимз керак. Ҳозир исталган рақиб билан ўйнаса бўлади. Фикримча, Олий лигадаги клубларнинг савияси деярли тенг. Лекин “Локомотив” клуби бу фикримдан мустасно. Улар бу йил мамлакат чемпиони бўлишлари мумкин", - деди Аббос Махсталиев.

“Нефтчи” матбуот хизмати