Афсонавий аргентиналик футболчи Марадона ўзига янги иш топди, деб хабар беради L’Equipe.
У Аргентина клублари ва Аргентина футбол федерацияси (АФА) ўртасида юзага келган можарода, томонларни яраштириш бўйича норасмий қўмита раҳбари қилиб тайинланди.
Муаммо телеҳуқуқларни сотишдан тушган даромадларнинг тақсимланиши ва АФА ичидаги коррупция можаролари юзасидан келиб чиққан.
“Менда бу муаммоларни ечиш учун сеҳрли таёқча йўқ. Ҳозирча қисқа танаффус оламан, кейин мамлакат футбол мутасаддилари билан мулоқот уюштираман” – деди Марадона Буэнос-Айресда уюштирилган матбуот анжуманида.
