Ҳужумчи Альваро «Ювентус»да қолишга тайёр. La Gazzetta dello Sport тарқатган хабарга кўра, 23 ёшли футболчининг йиллик маоши 7,5 миллион еврога оширилса, у Туринда қолиши мумкин.
«Ювентус» Моратанинг шартига кўнса, ўйинчи жамоада энг кўп маош оладиган футболчига айланади. Ҳозирги пайтда «кекса синьора» таркибида ярим ҳимоячи Поль Погба (6 миллион евро) ва дарвозабон Жанлуижжи Буффон (5 миллион ерво) энг кўп маош оладиган футболчилар ҳисобланади. Моратанинг ҳозирги маоши 2 миллион еврони ташкил қилади.
Аввалроқ, «Ювентус» клуби «Реал»га ҳужумчини қайта сотиб олиш шартини бекор қилиш учун 20-25 миллион евро атрофида маблағ таклиф қилиши мумкинлиги ҳақида хабар тарқалганди.