«Реал» Мадрид клуби «Лацио» ҳужумчиси Бальде Кейта билан 5 йиллик шартнома имзолаш борасида келишиб олди, деб хабар беради Mundo Deportivo.
Энди мадридликлар «Лацио» билан трансфер нархи борасида келишиб олишлари лозим.
«Реал» бош мураббийи Зайниддин Зиданнинг фикрича, Бальде жамоани кучайтира олади. Эслатиб ўтамиз, 21 ёшли Кейта «Барселона» клуби тарбияланувчиси ҳисобланади.
2010 йили Кейта каталонияликлар академиясида таҳсил олаётган пайтда, жамоадошининг кўрпасига муз қўйиб, унга ҳазил қилган эди. Шундан сўнг у жазога тортилиб, «Корнелла» клубига жўнатиб юборилган ва у ерда 47 гол уриб, энг яхши ҳужумчилардан бири бўлганди. Охир оқибатда Кейта «Барселона»га қайтишни истамай, «Лацио» билан шартнома имзолаганди.
Ўтган мавсумда Кейта «Лацио» сафида 31 ўйинда майдонга тушиб, 4та гол урган.
