«Интер» раҳбарияти ҳужумчи Стеван Йоветич билан ҳамкорликни тўхтатишга қарор қилган. Черногориялик ушбу футболчига Лондонинг «Арсенал» жамоаси томонидан қизиқиш билдирилган. Ушбу футболчи учун қанча миқдордаги маблағ таклиф қилинаётгани ҳақида хабар қилинмаган.

Йоветич ўтган мавсум арафасида «Манчестер Сити»дан Италияга келди ва 26 учрашувда майдонга тушиб, 6та гол урди ҳамда 3та голли узатма муаллифи бўлди.

Шунингдек, «Лилль» жамоаси ярим ҳимоячиси Софиан Буфаль ҳам лондонликларнинг ёзги трансферлардаги нишони бўлиб турибди.

«Лилль» Буфални 25 миллион еврога сотишга тайёр. «Арсенал»дан ташқари «Челси» ҳам шунча пул тўлашга тайёрлигини билдирган. Бу ҳақда The Guardian хабар тарқатди.

Марокашлик ушбу 22 ёшли футболчи ўтган мавсумда жамоаси билан 29 учрашувда иштирок этиб, 11 гол урган ҳамда 6 марта шерикларини голли пас билан таъминлаган