Мадриднинг "Реал" клуби ярим ҳимоячиси Матео Ковачич фаолоятини Англиянинг "Ливерпуль" клубида давом эттириши мумкин. Бу ҳақда Sky Italia хабар берган.
Манбада айтилишича, "Ливерпуль" 22 ёшли Ковачични тўлиқ сотиб олишни хоҳлаётган ягона жамоа бўлиб турибди. "Ювентус", "Рома" ва "Милан" хорватни ижарага олишни режалаштирган. "Реал" футболчини 25 миллион евро эвазига сотишга қарши эмас.
Таъкидлаш жоиз, "Реал" Хорватия терма жамоаси аъзосини ўтган йили "Интер"дан 31 миллион евро эвазига сотиб олганди. Ковачич мавсумнинг аксарият ўйинларида захирада қолиб кетди. Шу сабаб унинг жамоадан кетиш эҳтимоли катта.
