“Бавария” клубининг янги устози Карло Анчелотти мураббийлар штабини шакллантириб бўлди.
Жамоада унинг асосий ёрдамчиси Пол Клемент бўлади. У Анчелотти билан “Челси”, “Реал” ва “ПСЖ”да бирга ишлаган.
Шунингдек, клуб штабида Ҳерман Ҳерланд ҳам қолади. У Гвардиола, Хайнкес ва Луи ван Гаал вақтида ҳам клубда бўлган.
Жисмоний тайёргарлик бўйича мураббийликка Жованни Маури тайинланади. У “ПСЖ”да Анчелоттига ёрдамчи бўлган. Бундан ташқари, отаси билан “Реал”да бирга ишлаган Давиде Анчелотти ҳам штабга киритилади.
