УЕФА Россия терма жамоасининг Евро-2016 мусобақасидаги иштироки учун Россия футбол иттифоқига 8,5 миллион евро тўлайди.

Мусобақанинг финал босқичига чиққан барча мамалакатларнинг федерациялари 8 миллион еврога эга бўладилар. Гуруҳ босқичидаги ғалаба учун терма жамоаларга 1 миллион евро, дуранг учун 500 минг евро тўланади.

1/8 финал иштирокчилари 1,5 миллион евро, чорак финалга чиқққанлар 2,5 миллион евро, ярим финалга йўл олганлар 4 миллион евро оладилар. Фианлда ютқазган терма жамоага 5 миллион евро тегади, Европа чемпиони эса 8 миллион евро билан мукофотланади.

Шу тариқа, гуруҳ босқичидан сўнг Франция, Германия, Хорватия ва Польша термалари ҳаммадан кўп пул ишлаб топишди – 12 миллион евродан. Бу жамолар гуруҳ босқичидан иккитадан ғалабага ва бир марта дурангга эришдилар ва плей-оффга йўл олдилар.