Бугун Ўзбекистон чемпионати Олий лигасида 15-турдан ўрин олган ўйинлар бўлиб ўтди.

Ғузорда “Шўртан” “Бухоро” клубини қабул қилди. 22-дақиқада Элдор Бойматов майдон эгаларини ҳисобда олдинга олиб чиқди. Бироқ улар ғалабани ушлаб қололмадилар. Ҳакам томонидан қўшиб берилган дақиқаларда Артём Филипосян ҳисобни тенглаштириб, жамоасини мағлубиятдан қутқариб қолди.

«Шўртан» (Ғузор) – «Бухоро» (Бухоро) 1:1 (1:0)

Голлар: Элдор Бойматов (20) – Шавкат Саломов (90+3).

Олмалиқда маҳаллий клуб “Қўқон-1912” жамоасини қабул қилди. Асосий воқеалар 2-бўлимда юз берди. Дастлаб майдон эгалари 5 дақиқа ичида 2 гол уриб, меҳмонларни карахт аҳволда қолдиришди. Бироқ ўйин якунланишига 10 дақиқа қолганда меҳмонлар ҳисобни қисқартира олишди. Сўнгги дақиқалар қизғин курашга бой бўлди. Аммо “Олмалиқ” ғалабани ушлаб қолишга муваффақ бўлди.

«Олмалиқ» – «Қўқон-1912» - 3:2 (0:0)

Голлар: Муҳаммад Исаев (56), Евгений Гоголь (60), Зоҳир Пиримов (85) - Баҳодир Акрамов (82), Отабек Зокиров (90)