«Барселона» клуби расмий сайти ҳужумчи Неймар билан янги шартнома имзоланганини расман эълон қилди.
Каталонияликлар ва Бразилия терма жамоаси фтуболчиси ўртасида тузилган янги шартнома 2021 йилгача амалда бўлади.
Шартномада футболчини сотиб олишни истаган клублар учун янги товон пули белгиланди. Шартноманинг дастлабки йилида ушбу сумма 200 миллион евро, иккинчи йилида – 222 миллион евро, сўнгги 3 йилида – 250 миллион еврони ташкил этади.
Аввалроқ бразилиялик футболчига бир қатор жамоалар, жумладан, «ПСЖ» ва «Манчестер Юнайтед» томонидан қизиқишлар бўлгани ҳақида хабарлар тарқатилганди.
