ФИФА президенти Жанни Инфантино мансабини суиистеъмол қилганликда айбланмоқда.

Номаълум шахс швейцариянинг Sonntags Zeitung газетаси таҳририятига 11 варақлик хат жўнатган. Гумонларга кўра, хат муаллифи ФИФА ташкилотининг аудит ва назорат қўмитаси раисининг ўринбосари Синдисиве Мабасо-Кояна бўлиши мумкин.

Хатда қайд қилинишича, Инфантино ўз мансабидан фойдаланган ҳолда, Қатар ва Россиядан қимматбаҳо совғаларни олган, шахсий самолётлардаги парвози учун 115-150 минг доллар атрофидаги харажатларни ундирган. Шунингдек, Инфантино 2та хизмат машинасидан фойдаланаётгани, улардан бири оиласининг эҳтиёжи учун ишлатилаётгани, унга ойига 30 минг франк маблағ сарфланаётгани кўрсатилган.