Буюк Британия қироличасининг оила аъзолари Уэльс терма жамоасини қўллаб-қувватлаши ҳақида хабар беришди.
Хусусан, Британия тахти вориси шаҳзода Чарльз терма жамоага хат жўнатди: “Европа чемпионатининг яримфиналига чиққанингиз билан табриклайман. Сизлар Англия терма жамоасидан ҳам ўзиб кетдингиз! Сизларнинг ажойиб ўйинингиз мени илҳомлантирмоқда. Жамоа бирдамлик, иштиёқ ва ўзига бўлган ишончнинг ажойиб намунасини ифода қилмоқда. Ўйиндан олдин шуни билиб қўйингки, мухлислар учун жуда ёқимли онларни тақдим қилдингиз. Ўғлим Гарри билан сизларга мухлислик қилиб, ўйинингизни албатта томоша қиламиз" – дейилади хатда.
