Аргентина терма жамоаси Америка кубоги-2016 финалида Чили терма жамоасига пенальтилар сериясида мағлуб бўлгач, мамлакат футболида парокандалик юзага келди. Натижада, бир қатор футболчилар терма жамоада ўйнашдан воз кечишди. Уларнинг орасида ёшлар терма жамоаси вакиллари ҳам бор.
“Аргентина олимпия терма жамоасининг Рио-2016 олимпиадасида иштирок этиш эҳтимоли ҳозирги кунда 50%га тенг” - деди мамлакат олимпия қўмитаси раиси Херардо Вертхейн.
Аргентина олимпия терма жамоаси олимпиадага борувчи 18 футболчидан иборат таркибни эълон қилган бўлса-да, улардан фақат 12 нафари ўз клубларини розилигини олишган холос. Натижада, Аргентина олимпиада мусобақасини ўтказиб юборишга жуда яқин турибди.
Агар Аргентина олимпиадада иштирок этишдан бош тортса, уни ўрнини АҚШ ёки Перу ёшлари эгаллайди.
