«Вильярреал» ўз расмий сайтида «Бетис»нинг сенегаллик ярим ҳимоячиси Альфред Н’Диайени қўшиб олгани ҳақида эълон қилди.
26 ёшли футболчи билан беш йиллик шартнома имзоланган.
Францияда туғилган, Сенегал терма жамоаси сафида 10 та учрашувда майдонга тушиб, битта гол уришга муваффақ бўлган Н’Диайе 2014 йилдан бери «Бетис»да ўйнаб келаётган эди.
Бунгача у «Нанси», «Бурсаспор», «Сандерленд» ва «Эскишеҳирспор» клублари шарафини ҳимоя қилган. Ўтган мавсум «Бетис» сафида Ла Лигада 34 ўйинда майдонга тушиб, иккита гол урди.
